من يقول اني رخصتك

السلام عليكم ورحمة الله وبركاته

من يقول اني رخصتك لاوربي الي براك ***ماارخصك والقلب لجلك كل غالي ازعله

كل ما مرت سنيني.. .زاد في قلبي هواك***قلبي من مجرى غرامك عذب حبك ينهله

انت وحدك في خفوقي ماشمل حدٍ سواك***انتقاك القلب منهم ....وحب غيرك اهمله

لو يطول الوقت قلبي ماقطع لحظه رجاك ***من كرم قلبك تمنى... لو بعطفك تشمله

صدق غايب عن عيوني لكن الخافق يراك**في جدار القلب رسمك طول عمره يحمله

لا تقول القلب ناسي والله مالحظه نساك ***كيف ينسى وانت حلمه.. للسنين المقبله

مانكر حبك خفوقي لا ..و لا لحظه جفاك***ما اظنك يا حبيبي .......قدر حبك تجهله

في صحاري الشوق قلبي ذاب متعطش لماك*كل ماطفيت جمري... مر طيفك واشعله

غيركم ماشي غالي كل شي غالي فداك****فدوتك قلب(ن) يحبك ..عنك لحظه مادله

ياشفى القلب العليل قلبي ابصمته دعاك ***فيك عشت العمر كله وشفت حلمي باكمله

قبل حبك ماحييت وعشت في لحظة لقاك***شفت انا العالم بعينك ...زاهي وما اجمله

فيه غصن الشوق مثمر والحلا ذاب بحلاك**عالم(ن )ايدور حولك ..وانت كلك مجمله

من يقول اني رخصتك لاوربي الي براك ***ماارخصك والقلب لجلك كل غالي ازعله

يعطيك العافيه ع القصيده الرائعه
وسلمت يمينك يالغلا ودمت في ابداعك
تقبل مـرـوـري

اخوي سراب حايل ما قصرت ياقلبي

كفيت ووفيت لاعدمناك انشالله مشكور

على هالمرور الاروع من رائع بيّض الله وجهك

تحياتي لك

اخوي ميشو مشكور ياروحي على هالمرور

نورت وانرت

الله لا يحرمنا من هالمرور العطر

تحياتي لك